Sidee Loo Bilaabaa Ganacsi Yar oo Guuleysta?

 

In badan oo kamid ah dhalinyarada Soomaaliyeed waxay doonayaan inay bilaabaan ganacsi u gaar ah, balse ma helaan talo sax ah iyo jiho cad. Ganacsigu ma ahan wax sahlan, balse haddii si xeel dheer loo fahmo, wuu guuleysan karaa. Qodobadan ayaa muhiim u ah guusha:

• Fikrad cad: Ganacsigu wuxuu ka bilaabmaa fikrad xal u ah dhib jirta. Tusaale: Adeeg gaarsiineed oo lagu keeno alaabta guryaha.

• Daraasad suuq: Baro dadka aad beegsaneyso, qiimaha suuqa, iyo cida kula tartameysa.

• Miisaaniyad yar: Bilow si fudud. Uma baahnid lacag badan si aad u bilowdo ganacsi. Bilaab oo koro tartiib.

• Sumcad: Dadku waxay ku aaminayaan marka ay ku bartaan inaad daacad tahay, adeeg fiican bixinayso, iyo inaad waqtiga ilaaliso.

Xigmad: “Ganacsi wanaagsan wuxuu ka dhashaa baahi jirta iyo dad go’aan leh.”